Maatskappyprofiel

TRADEVANTAGE

Tradevantage verskaf ‘n uitgebreide graanbemarkings- en verhandelingsdiens aan beide binnelandse en buitelandse kliënte, met betrekking tot mielies, oliesade, koring en diverse sagtekommoditeite. Tradevantage is bekend vir akkurate uitvoering, effektiewe administrasie, professionaliteit en die verskaffing van innoverende oplossings, uniek ontwikkel volgens elke kliënt se behoefte, en verskaf produkte aan afnemers wat by hulle vervaardigingsaanleg afgelewer word.

GRAINOVATION

Grainovation is ‘n toonaangewende logistieke operateur in die landbousektor en bied gespesialiseerde vervoeroplossings vir beide die produsent sowel as die koper van graan en oliesade.

ELECTRONIC SILO CERTIFICATES

Electronic Silo Certificates voorsien eienaars van ‘n veilige en effektiewe manier om elektroniese silosertifikate via die internet of ‘n selfoon te bestuur. Sertifikate word soomloos aanlyn verhandel en geadministreer.

SENWES SAAD

In Orkney en Hartswater speel Senwes Saad ‘n kernrol in die agri-waardeketting. Senwes Saad het homself oor dekades heen gevestig as ‘n uitnemende saadverwerker, met ‘n uitstekende reputasie onder produsente en in die mark. Hierdie besigheid het ook onlangs sy aktiwiteite uitgebou en ‘n kleiner verpakkingsaanleg toegevoeg tot die huidige aanbod.

SENWES GRAANMAKELAARS

Senwes Graanmakelaars is ‘n maatskappy wat as makelaarsagent optree namens kliënte wat toegang wil verkry tot die JSE (SAFEX) landboukommoditeitsafdeling. Senwes Graanmakelaars is ‘n volfiliaal van die groter Senwes groep en word gehuisves binne Senwes Grainlink in die marktoegangsafdeling.

Dit plaas Senwes Graanmakelaars in ‘n ideale posisie om sinergie binne marktoegang te verhoog deur ‘n geleentheid aan produsente, verbruikers en spekulante te verskaf vir deelname aan of verskansing van potensiële markgeleenthede. Senwes Graanmakelaars vervul ‘n ondersteunende rol, saam met marktoegangsdienste, om markinligtingsverslae saam te stel op ‘n daaglikse basis.

HINTERLAND

Hinterland spesialiseer in die bemagtiging van produsente deur die verskaffing van insetmiddele vir ‘n wye verskeidenheid boerderypraktyke. Die suksesvolle kleinhandelsbesigheid wat handel dryf as Senwes Village, AFGRI Town & Country en Farm City bied ook ‘n wye verskeidenheid hardeware en geriefsprodukte aan die algemene publiek, soos besproeiingstoerusting, selfdoenprodukte, hardeware, veemedisyne, veevoer en brandstof. Hinterland het sy dienste uitgebrei met die aanstelling van besproeiings- en lewendehawespesialiste om produsente by te staan met uitstekende raad en kennis.

Hinterland het 63 kleinhandelswinkels, sewe brandstofstasies met sewe geriefswinkels by die brandstofstasies en een supermark.

JDI

JD Implemente stel Senwes Equipment in staat om sy John Deere markaandeel uit te brei na die Wes- en Oos-Kaap. JD Implemente lewer diens deur ses besigheidseenhede en verskaf uitstekende landbou-meganisasie- en instandhoudingsoplossings. Ongeëwenaarde naverkoopsdiens oortref produsente se verwagtinge keer op keer.

PRODIST

Prodist, as groothandelsverspreider van ‘n verskeidenheid landbouprodukte en algemene ware, speel ‘n aktiewe rol in die optimalisering van elke aspek van die verskaffingsketting tussen produsent en eindverbruiker.

Deur strategiese vennootskappe met verskaffers is Prodist een van die mees prominente groothandelaars en verskaffers van onderdele vir landbou-implemente, landbou- en besproeiingstoerusting, hardeware en gereedskap. Massaprodukte word via twee distribusiesentrums in Johannesburg en Bethlehem ingevoer, herverpak en versprei na meer as 1 887 punte dwarsoor Suider-Afrika. Prodist is daarop toegespits om as ‘n effektiewe verskaffingskanaal die landboubesigheids- en kleinhandelshardewaremark in Suid-Afrika en sy buurlande te bedien.

GRASLAND ONDERNEMINGS

Grasland spesialiseer in die produksie van hoë gehalte kalk by vier myne in die Noordwes provinsie. Die onderneming voorsien dolomitiese en hoë gehalte kalk- en gipsprodukte vir landbou- en nywerheidsdoeleindes.

SENWES BATEFINANSIERING

Senwes Batefinansiering bied omvattende finansiële dienste, gemik op roerende bates sowel as verbandlenings – ‘n diens met besigheidsontwikkeling en volhoubare groei as die spil waarom alles draai.

CERTISURE

Certisure is ‘n versekeringsmaatskappy met talle spesialisareas waarby landbou-, kommersiële en individuele kliënte kan baat. Bateversekering, oesversekering, finansiële beplanning, kredietlewensversekering, korporatiewe versekering, wildversekering en mediese skemas vorm die hoekstene van dié maatskappy.

Die gerief van doelgemaakte versekeringsprodukte vir elke produsent, kliënt en lid van die publiek verseker ‘n mededingende voorsprong met min gelyke. Certisure verskaf makelaars- en administratiewe dienste waar kliënte se risikobehoeftes aangespreek en na omgesien word.

MOLEMI SELE

Molemi Sele is die eienaar van ‘n selversekeringsmaatskappy vir kredietlewensversekering in Guardrisk Life en fokus op onderskrywingsrisiko’s binne die kredietlewensversekeringsdomein.

THOBO TRUST

Thobo Trust is ‘n onafhanklike trust en dien as strategiese vennoot vir Senwes se swart ekonomiese bemagtigings- en sosio-ekonomiese ontwikkelingsdoelstellings. Senwes werknemers, plaasarbeiders, opkomende boere en gemeenskappe in plattelandse gebiede waarin Senwes besigheid bedryf, trek die grootste voordeel uit hierdie besigheidsmodel.