Senwes rapporteer gesonde groei

Log in

My profiel

Verander wagwoord

MySenwes applikasies

| English

Article information

Author

Senwes

Source

info@senwes.co.za

Classification

Persverklaring

Views

1978

Article Tags

results

press-release

Terug na artikels

Senwes rapporteer gesonde groei
Senwes | 28 Junie 2012

Senwes se wins na belasting vir die jaar geëindig 30 April het met 21,6% na R265 miljoen verhoog terwyl ‘n 21,5% opbrengs op ekwiteit behaal is. Wesensverdienste vir die tydperk het met 14,3% gestyg vanaf 116,2 c/aandeel na 132,8 c/aandeel. Dié geïntegreerde landboudienstebesigheid se omset het ŉ hupstoot van 73,5% tot R13 miljard gekry hoofsaaklik weens ŉ styging in kommoditeitspryse.

Klik hier om die koerantadvertensie af te laai [577 KB]
Klik hier om die RSG Geldsake-onderhoud met Francois Strydom af te laai [635 KB]
Klik hier om Pieter Möller (OFM) se onderhoud met Francois Strydom af te laai [241 KB]

Ten spyte van verhoogde kommoditeitspryse is R508 miljoen se kontant gegenereer uit bedryfsaktiwiteite en die eiekapitaalverhouding van 41% is steeds binne die kapitaal- handhawingsriglyne van 35% - 45%. Die netto batewaarde het van R6,80/aandeel (April 2011) na R7,57/aandeel (April 2012) toegeneem nadat ‘n dividend van 70 c/aandeel betaal is.

Senwes is sedert 2010 proaktief geposisioneer in terme van volume, kundigheid en strategie en die landbousektor het gevolglik hierop gereageer. As inisieerder van nuwe denke en vennootskappe, poog Senwes om aan die voorpunt van internasionalisering en diversifikasie van sy besigheidsmodel te staan. Kompetisie het buitengewoon toegeneem in ‘n sektor wat geteiken word deur beleggers as laaste toevlugsoord vir ‘n wêreldekonomie wat daadwerklik probeer ontsnap van ‘n volgehoue resessie.

Volgens Francois Strydom, besturende direkteur, is Senwes ook besig om homself strategies te posisioneer binne die milieu van groter integrasie tussen die produsent en eindverbruiker tesame met ŉ onafwendbare groter deelname in die graanwaardeketting.

SÓ HET BESIGHEIDSEGMENTE PRESTEER
Senwes Village (op 160% na R169 miljoen)
Village het ‘n 160% verbetering in bedryfsresultaat voor belasting van R169 miljoen teenoor die vorige jaar se R65 miljoen getoon. Die divisie het ‘n goeie jaar beleef met bogemiddelde verkoopsaktiwiteite ten opsigte van meganisasie en insetmiddele. Gunstige graanpryse het in die tweede helfte van die jaar tot hoër aanplantings aanleiding gegee en heelwat produsente in staat gestel om meganisasiegoedere op te gradeer. Dit het gelei tot die tweede meeste heelwerktuig-eenheidverkope sedert 1997.

Die besigheidsmodel met John Deere is uitgebrei na die Wes-Kaap deur die verkryging van ‘n 50% belang in JD Implemente te Swellendam – en dit lewer reeds bo verwagte resultate.

Senwes Credit en Univision (op 2% na R55 miljoen)
Die aanvraag vir krediet is gestimuleer deur ‘n 10% toename in hektare aangeplant asook ‘n 16% styging in insetkoste. ‘n Groei in die produksieboek van 15% op ‘n jaar-op-jaar-grondslag dui op ‘n uitbreiding in markaandeel. Dit word bevestig deur die aantal produsente wat bedien is en die hektare wat gefinansier is. Die kredietboek is kerngesond en die totale agterstalligheid van somergraanproduksie op 30 April 2012 het 3,8% beloop.

Univision Finansiële Dienste het vir die 2012 finansiële jaar ‘n 15% groei in omset getoon. Univision se netto bedryfswins na rente toon ‘n 4,7% toename sedert 2011.

Senwes Grainlink (af 27% na R183 miljoen)
Hoë voorraadvlakke van 2011 het veroorsaak dat prysvlakke onder uitvoerpariteit verhandel. Suid-Afrikaanse mielies is deur die internasionale mark opgekoop en gevolglik is 2,4 miljoen ton mielies gedurende die bemarkingsjaar uitgevoer. Heelwat graan is hanteer, maar weens bogenoemde is 43,5% minder graan opgeberg, wat stremming op bergingsinkomste geplaas het. Die mark het ook min geleenthede gebied om graan in toekomstige maande te verkoop en Grainlink moes sy model daarby aanpas. Die gesamentlike onderneming met Bunge is deur die Mededingingskommissie goedgekeur en is vanaf 1 Oktober 2011 in werking. Senwes het aan witmielie-uitvoere asook koring- en mielie-invoere deelgeneem in 2012.

VOORUITSIGTE
Plaaslike produksie is onder druk weens die tweede helfte van die somerseisoen se buitengewone lae reënval. Lae openingsvoorraadvlakke, lae oordragvog en ‘n gemiddelde oes gaan waarskynlik laer graanvoorraadvlakke tot gevolg hê, wat weer ‘n moeilike graanbergingsjaar voorspel.

Kommoditeitspryse verkeer tans op redelike goeie vlakke en sal produksie waarskynlik stimuleer. Verbruikers sal wêreldwyd na verwagting steeds gebuk gaan onder stram ekonomiese toestande en kommoditeitsvoorraadvlakke sal herstel weens hoër produksie en laer verbruik.

Die verwagting is dat heelwat korporatiewe aksie in die kommende maande in die sektor gaan plaasvind, wat waarskynlik die landskap en dinamika van die landboudienstesektor sal verander.

DIVIDEND
Die Direksie het ‘n finale dividend van 15 c/aandeel vir die jaar geëindig 30 April 2012 verklaar, onderhewig aan bekragtiging deur aandeelhouers.

SLEUTEL FINANSIËLE INDIKATORE

‘n Toename in omset van 73,5% na R13 miljard
Opbrengs op ekwiteit van 21,5%
Netto batewaarde groei met 77 c/aandeel na dividende van 70 c/aandeel betaal is
‘n 20,6% groei in VPA vanaf 121 c/aandeel na 146 c/aandeel
Dit verteenwoordig ‘n wins na belasting van R265 miljoen teenoor die vorige jaar
se R219 miljoen
Dividendopbrengs van 6,3% op ‘n gemiddelde aandeelprys van R9,60/aandeel

You must be a logged in MySenwes user to leave a comment.
Log in	Register

Senwes mededingingsaak geskik 158 view(s) \| Senwes \| 15 Mei 2013 03:39 PM Die Mededingingstribunaal het vandag ‘n skikkingsooreenkoms tussen die landboubesigheid Senwes en die Mededingingskommissie bevestig. Die terme van die skikking vervat die beginsel van verskillende opbergingstariefopsies soos reeds deur Senwes aanvaar in 2010, sowel as gelyke toegang daartoe.senwes-mededingingsaak-geskik

Samesmelting van AFGRI en Senwes kleinhandelsbesighede goedgekeur deur mededingingsowerhede 510 view(s) \| Senwes \| 12 April 2013 11:35 AM AFGRI en Senwes kondig graag aan dat die Mededingingstribunaal die samesmelting van die agri-kleinhandelsbesighede van die twee landboudienstemaatskappye en Partrite, die AFGRI groothandelsfiliaal, goedgekeur het, onderhewig aan sekere voorwaardes. Gemelde voorwaardes het betrekking op die vloei van vertroulike inligting en sekere personeelaangeleenthede.

Hoogste Hof van Appel beslis in Senwes en Senwesbel se guns oor aandele 328 view(s) \| Senwes \| 05 April 2013 10:34 AM In ’n uitspraak wat op 28 Maart 2013 gelewer is, het die Hoogste Hof van Appèl ’n aansoek deur die Treacle Fund II teen Senwesbel en Senwes afgewys.

Kennisgewing - Aandeleterugkoopprogram 1207 view(s) \| Elmarie Joynt \| 13 Desember 2012 05:55 AM Senwes stel aandeelhouers hiermee in kennis dat die Maatskappy ‘n makelaarsfirma sal aanstel om terugkope van gewone Senwes aandele (“Senwes aandele”) deur ‘n filiaal van Senwes op die oor-die-toonbank verhandelingskamer vanaf 1 Februarie 2013 tot 31 Januarie 2014 (“die Terugkoopprogram”) te doen.kennisgewing---aandeleterugkoopprogram

Afgri Operations en Senwes nader aan finalisering van die samesmelting van landbou-kleinhandelsbesighede 1359 view(s) \| Senwes \| 05 Desember 2012 05:58 AM Op 31 Julie 2012 het AFGRI en Senwes gesamentlik die sluit van ŉ transaksie aangekondig in terme waarvan die twee landboumaatskappye hul landbou-kleinhandelsbesighede sowel as Partrite, die AFGRI groothandelsfiliaal, sal saamsmelt om ŉ nuwe gesamentlike onderneming tot stand te bring, waarin die partye ŉ 50% aandeel respektiewelik sal hou.

Terme en voorwaardes | Kopiereg | Privaatheid Top ^

English (South Africa)

SENWES BEPERK Registrasienommer: 1997 / 005336 / 06
1 Charel de Klerk Straat, Klerksdorp --- Posbus 31, Klerksdorp, 2570
Tel: +27 18 464-7800 | Faks: +27 18 462-4873 | Tolvry: 080 941 4011 | info@senwes.co.za

Kredietverskaffer - Ref number: NCRCP 2402

Enige vrae of kommentaar aangaande die webtuiste kan gerig word aan webmaster@senwes.co.za

Senwes mededingingsaak geskik 158 view(s) \| Senwes \| 15 Mei 2013 03:39 PM Die Mededingingstribunaal het vandag ‘n skikkingsooreenkoms tussen die landboubesigheid Senwes en die Mededingingskommissie bevestig. Die terme van die skikking vervat die beginsel van verskillende opbergingstariefopsies soos reeds deur Senwes aanvaar in 2010, sowel as gelyke toegang daartoe.senwes-mededingingsaak-geskik

Samesmelting van AFGRI en Senwes kleinhandelsbesighede goedgekeur deur mededingingsowerhede 510 view(s) \| Senwes \| 12 April 2013 11:35 AM AFGRI en Senwes kondig graag aan dat die Mededingingstribunaal die samesmelting van die agri-kleinhandelsbesighede van die twee landboudienstemaatskappye en Partrite, die AFGRI groothandelsfiliaal, goedgekeur het, onderhewig aan sekere voorwaardes. Gemelde voorwaardes het betrekking op die vloei van vertroulike inligting en sekere personeelaangeleenthede.

Hoogste Hof van Appel beslis in Senwes en Senwesbel se guns oor aandele 328 view(s) \| Senwes \| 05 April 2013 10:34 AM In ’n uitspraak wat op 28 Maart 2013 gelewer is, het die Hoogste Hof van Appèl ’n aansoek deur die Treacle Fund II teen Senwesbel en Senwes afgewys.

Kennisgewing - Aandeleterugkoopprogram 1207 view(s) \| Elmarie Joynt \| 13 Desember 2012 05:55 AM Senwes stel aandeelhouers hiermee in kennis dat die Maatskappy ‘n makelaarsfirma sal aanstel om terugkope van gewone Senwes aandele (“Senwes aandele”) deur ‘n filiaal van Senwes op die oor-die-toonbank verhandelingskamer vanaf 1 Februarie 2013 tot 31 Januarie 2014 (“die Terugkoopprogram”) te doen.kennisgewing---aandeleterugkoopprogram

Afgri Operations en Senwes nader aan finalisering van die samesmelting van landbou-kleinhandelsbesighede 1359 view(s) \| Senwes \| 05 Desember 2012 05:58 AM Op 31 Julie 2012 het AFGRI en Senwes gesamentlik die sluit van ŉ transaksie aangekondig in terme waarvan die twee landboumaatskappye hul landbou-kleinhandelsbesighede sowel as Partrite, die AFGRI groothandelsfiliaal, sal saamsmelt om ŉ nuwe gesamentlike onderneming tot stand te bring, waarin die partye ŉ 50% aandeel respektiewelik sal hou.